حوااار رومانسي بين البيبسي والميرندا ...

الموقع : ثلاجة في دكان راعي الدكان

الوقت : بالليل 11:45 pm

البيبسي : اختي ميرندا ... قاعدة والا نايمة

ميرندا : هلا .. لالا قاعدة .. ليش تو الناس باقي

ربع ساعة وبيسكر الهندي هالليتات وبعدها بنام

البيبسي : هل لي بحوار جانبي معاج

( ايوااااااااا يالاسلوب )

ميرندا : ايييييه عادي شدعوا ..

البيبسي : ماهي نوعية الحوارات..

أقصد اللي تحبينها ..

ترا جذي الاسلوب علشان يسحب معاج الخط ..

( اقصد الحوار.. خخخخخخخ )

ميرندا : ماعندي شي معين بعدين انت ناوي

تطول بالكلام ؟

تبيني اعتذر من ابوي وانام برا الصندوق

( صندوق الميرندا)

البيبسي ( مستانس ) : اييييه كلامي مايخلص ولا باجر ....

انا اصلا كانوا يقولون عني قرقي.

ميرندا : تدري عاد أسلوبك وطرحك حلو بس

أبوي يقول لا تمشون مع السود !!

البيبسي : ليش تره والله ما نعظ ... أليفين ترى ..

ميرندا : بس تصدق انا معجبة بسوادك

كأنه سواد ليلة مافيها قمره,,,

سواد كاحل جنه فحمة من جيس هالفحم اللي في

المستودع تحت ... انا معجبة فيك بصراحة ..

البيبسي : يؤ.. يؤ.. يؤ .. احرجتيني .. أمي والله صاجة

ميرندا : ليش شقالت أمك ...

البيبسي : أمي تقول إن الميرندا أحلى من الفراولة ...

ماتدلعين مثل الفراولة

ميرندا : ياحظي .. قال فراولة قال ...

وشنو اللي يخليني اتدلع

البيبسي : لا يعني لون الفراولة .. احلى من لونك

( بدا يخورها )

لونها احمر عجيب ..

ميرندا : نعم نعم نعم .... عيد اللي قلته ...

انا شفيه لوني

البيبسي : لا والله مو قصدي بس لونك جنه لون

هالهندي اللي بالدكان اذا صار محصور ... برتقالي

ميرندا : والله حبيبي اذا مو عاجبتك ...

خلني اروح لصندوقنا بس ...

البيبسي : يؤ .. يؤ.. يؤ... يالزعولة ليش زعلتي

عاد من كلامي ..

( وفي هاللحظة فتح الهندي الثلاجة وحط فيها فراولة)

البيبسي : هلا والله وغلا بالفراولة ... يوووووووه

يازينها زيناااااه .... تو مانورت الثلاجة ..

ميرندا : هااااوو والله شي ... وجدامي تغزل فيها وانا

من الصبح معاك يالعبد الاسود يالمحترق ..

فراولة : ههههههههههههه ... شفيها هذي معصبة

جنها طقاقة ما نقطوها بحفلة زواج ها ها ها ها.

البيبسي : لالا ماعليك منها أنتي بس قولي لي شنو

هالحلاوة شهاللون الحلو ..

ميرندا : اقول يالدبه يالحمرا ء اللي لونك ماله داعي .....

جنه حمره ملخبطه هههههههههه..

فراولة : هئق ... هئق ( تشهق )

يالغيورة يالبرتقالية روحي بس ما احد شراج

اسبوع هني مرزوعة ما احد يبيك ..

ميرندا : والله ... ياشيخة تعالي دغدغيني احسن

البيبسي : ياجماعة كل وحده فيكم لها مميزات

ولها صفات مستقلة خلونا بس في المفيد

وفي هاللحظة قاربت الساعة على 12 بالليل ويا زبون

وخذ معاه البيبسي والميرندا والفراولة بجيس واحد

بيوديهم معاه للبيت..

( وهذا الحوار اللي بالكيس )

البيبسي : هذي الساعة المباركة

يوم صرنا بجيس واحد متقاربين..

ميرندا : اقول شفيك مقرب للفراولة خلها

تتنفس طيب حاشرها ( بدت الغيرة )

فراولة : يؤ ... من كلمج انتي الثانية

بعد شعليج!! خليج بحالج!!

بيبسي : لاتحرجوني !! انا اخجل من ظلي !!

يؤ.. يؤ.. يؤ.... وخري ياميرندا شوي

ميرندا : هذا بعد الهندي ماحطنا بجيس كبير ...

حشرنا بهالجيس هالبخيل..

في هاللحظة أخذ الزبون الفراولة وفتحها

وشربها وما بقي بالجيس الا البيبسي والميرندا !!

البيبسي : الحمد لله كانت مضايقتنا الفراولة !!

( منافق وماله أمان البيبسي )

ميرندا : يؤ ... توني صرت غالية عندك .!!

اقلب ويهك بس يالعبد مالك أمان

البيبسي : آه ... ضاعت على الفراولة والحين ضاعة

الميرندا .... شسويت انا ..

ميرندا : اذلف بس ووخر عني ولا تكلمني !!

البيبسي : آه .... والله احتريت

( ارتفعت درجة حرارته )

ميرندا : ايه عارفه من يوم راحت عنك الفراولة

وانت كله علي وتعبتني وكسرت قلبي ..

البيبسي : اييييييييه والله مريضة ....

لا أكون انا السبب

وفي هذه الاثناء اصبحت حرارة الميرندا

مرتفعة وانشد البيبسي بهذه

القصيدة يصف حال الميرندا موجه كلامه للزبون

اللي خذ الميرندا وفتحها وشرب منها جزء

بسيط وألقى بها في سلة المهملات

لأن حرارتها مرتفعة ( ساخنة )

وبكى البيبسي في هذه الاثناء وقال :

قالوا حبيبك محموم فقلت لهم .... انا الذي كنت في حمائه السبب

عانقته ولهيب النار في كبدي ... فأثرت فيه تـــلك النار فالتـهب

انشاءالله عجبتكم هالقصه
سامحوني أني طولت عليكم
أخوووووووووووووووووووووووووووكم

المسافر

ههههههههه يعطيك العافية ياحظرة المدير العام و قصة جميلة جداً

مـــــــــــــــــــــــشكورررررررررررر